ENG Vs AUS 3rd ODI Highlights: 3-வது ஒருநாள் போட்டியில் இங்கிலாந்து அணி வெற்றி.. ஹாரி புரூக் அசத்தல் சதம்..!

செப்டம்பர் 25, செஸ்டர்-லீ-ஸ்ட்ரீட் (Sports News): ஆஸ்திரேலிய கிரிக்கெட் அணி இங்கிலாந்தில் சுற்றுப்பயணம் (Australia Tour Of England 2024) மேற்கொண்டு 5 போட்டிகள் கொண்ட ஒருநாள் தொடரில் விளையாடி வருகிறது. இந்த தொடரின் மூன்றாவது போட்டி (ENG Vs AUS 3rd ODI) நேற்று (செப்டம்பர் 24) செஸ்டர்-லீ-ஸ்ட்ரீட் (Chester-le-Street) நகரில் நடைபெற்றது. இதில், டாஸ் வென்ற இங்கிலாந்து அணி முதலில் பந்துவீச்சை தேர்வு செய்தது. அதன்படி, முதலில் களமிறங்கிய ஆஸ்திரேலிய அணி 50 ஓவர்களில் 7 விக்கெட்டுகள் இழப்புக்கு 304 ரன்கள் எடுத்தது. அணியில் அதிகபட்சமாக அலெக்ஸ் கேரி 77, ஸ்மித் 60, ஆரோன் ஹார்டி 44, கிரீன் 42 ரன்கள் எடுத்தனர். இங்கிலாந்து சார்பில் ஆர்ச்சர் 2 விக்கெட்டுகளை வீழ்த்தினார்.  Shooting Competition: தேசிய அளவிலான துப்பாக்கி சுடுதல் போட்டி.. தங்கம் வென்ற நெல்லை அரசுப் பள்ளி மாணவன்..!

பின்னர், 305 ரன்கள் எடுத்தால் வெற்றி என்ற இலக்கை துரத்திய இங்கிலாந்து அணிக்கு பிலிப் சால்ட் ரன் ஏதும் எடுக்காமலும், பென் டக்கெட் 8 ரன்களிலும் ஆட்டமிழந்தனர். அந்த சமயத்தில் வில் ஜேக்ஸ்-ஹாரி புரூக் இணைந்து 156 ரன்கள் பார்ட்னர்ஷிப் அமைத்தனர். வில் ஜேக்ஸ் 84 ரன்களில் அவுட்டானார். தொடர்ந்து வந்த ஜேமி ஸ்மித் 7 ரன்களில் வெளியேறினார். மறுமுனையில் கேப்டன் ஹாரி புரூக் (Harry Brook) ஒருநாள் கிரிக்கெட்டில் தனது முதல் சதத்தை பதிவு செய்தார். இதில், 13 பவுண்டரிகள் மற்றும் 2 சிக்ஸர்களுடன் 94 பந்துகளில் 110 ரன்கள் அடித்தார். மேலும், லிவிங்ஸ்டன் 20 பந்துகளில் 33 ரன்கள் எடுத்தார்.

இந்நிலையில், இங்கிலாந்து அணி, 37.4 ஓவர்களில் 4 விக்கெட்டுகள் இழப்புக்கு 254 ரன்கள் எடுத்திருந்தது. அப்போது, ஆட்டத்தில் மழை குறுக்கிட்டதால், டிஎல்எஸ் முறைப்படி (DLS Method) இங்கிலாந்து அணி 46 ரன்கள் வித்தியாசத்தில் வெற்றி பெற்றது. இதன் மூலம் இங்கிலாந்து 1-2 என்ற கணக்கில் உள்ளது. ஆட்டநாயகன் விருதை இங்கிலாந்து அணியின் கேப்டன் ஹாரி புரூக் பெற்று சென்றார்.

இங்கிலாந்து-ஆஸ்திரேலியா 3-வது ஒருநாள் போட்டி: 

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)