வானிலை: அடுத்த 7 நாட்களுக்கு வானிலை நிலவரம் என்ன? டிசம்பர் 11 முதல் அடுத்த ஆட்டம் ஆரம்பம்.. அலர்ட் கொடுத்த ஆய்வு மையம்.!

டிசம்பர் 06, நுங்கப்பாக்கம் (Chennai News): வானிலையில் (Weather) கடந்த 24 மணிநேரத்தில் ஏற்பட்டுள்ள மாற்றத்தைப் பொறுத்தவரையில், தமிழகத்தில்‌ ஓரிரு இடங்களில்‌ மழை பெய்துள்ளது. புதுவை மற்றும்‌ காரைக்கால்‌ பகுதிகளில்‌ வறண்ட வானிலை நிலவியது. கடந்த 24 மணிநேரத்தில் கோவில்பட்டி, திருச்சி, கழுகுமலை, கொடைக்கானல், சிவகிரி, வைப்பாறு, அம்மாபேட்ட்டை, எடப்பாடி, வெம்பக்கோட்டை ஆகிய பகுதிகளில் லேசான மழை பெய்துள்ளது.

காற்றழுத்த தாழ்வு மண்டலம்:

அடுத்த ஏழு தினங்களுக்கான வானிலை முன்னறிவிப்பு மற்றும்‌ எச்சரிக்கையில், தென்மேற்கு அரபிக்கடல்‌ மற்றும்‌ அதனை ஒட்டிய தென்கிழக்கு அரபிக்கடல்‌ பகுதிகளின்‌ மேல்‌ ஒரு வளிமண்டல கீழடுக்கு சுழற்சி நிலவுகிறது. இன்று (06-12-2024) பூமத்திய ரேகையை ஒட்டிய இந்‌திய பெருங்கடல்‌ மற்றும்‌ அதனை ஒட்டிய தென்கிழக்கு வங்கக்கடல்‌ பகுதிகளின்‌ மேல்‌ ஒரு வளிமண்டல கீழடுக்கு சுழற்சி நிலவுகிறது. இதன்‌ காரணமாக, 07 - ஆம்‌ தேதி வாக்கில்‌, தெற்கு வங்கக்கடலின்‌ மத்திய பகுதிகளில்‌ ஒரு காற்றழுத்த தாழ்வு பகுதி உருவாகக்கூடும்‌. இது மேற்கு-வடமேற்கு திசையில்‌ நகர்ந்து, 12 -ஆம்‌ தேதி வாக்கில்‌ தென்மேற்கு வங்கக்கடல்‌ பகுதிகளில்‌ இலங்கை- தமிழகம்‌ கடற்கரையை நோக்கி நகரக்கூடும்‌.

இன்றைய வானிலை (Today Weather):

06-12-2024 இன்று தமிழகத்‌இல்‌ ஓரிரு இடங்களிலும்‌, புதுவை மற்றும்‌ காரைக்கால்‌ பகுதிகளிலும்‌, இடி, மின்னலுடன்‌ கூடிய, லேசானது முதல்‌ மிதமான மழை பெய்யக்கூடும்‌. Tiruppur Shocker: ஸ்னாக்ஸ் கடை பழக்கம்.. கொடூர கணவனிடம் இருந்து தப்பிக்கவைத்து, சிறையில் தள்ளிய கள்ளக்காதல்... திருப்பூரில் அதிர்ச்சி.! 

நாளைய வானிலை (Tomorrow Weather):

07-12-2024 முதல்‌ 10-12-2024 வரையில் தமிழகத்‌தில்‌ ஓரிரு இடங்களிலும்‌, புதுவை மற்றும் காரைக்கால்‌ பகுதிகளிலும்‌, லேசானது முதல்‌ மிதமான மழை பெய்யக்கூடும்‌.

11ம் தேதி முதல் கனமழை எச்சரிக்கை:

11-12-2024 அன்று கடலோர தமிழகத்தில்‌ ஒருசில இடங்களிலும்‌, உள்‌ தமிழகத்தில்‌ ஓரிரு இடங்களிலும்‌, புதுவை மற்றும்‌ காரைக்கால்‌ பகுதிகளிலும்‌, லேசானது முதல்‌ மிதமான மழை பெய்யக்கூடும்‌. மயிலாடுதுறை, நாகப்பட்டினம்‌, திருவாரூர்‌, தஞ்சாவூர்‌, புதுக்கோட்டை மற்றும்‌ ராமநாதபுரம்‌ மாவட்டங்கள்‌, காரைக்கால்‌ பகுதியில்‌ ஓரிரு இடங்களில்‌ கனமழையும்‌ பெய்ய வாய்ப்புள்ளது.

12ம் தேதி கனமழை பெய்ய வாய்ப்புள்ள மாவட்டங்கள்:

12-12-2024 அன்று கடலோர தமிழகத்தில்‌ அநேக இடங்களிலும்‌, உள்‌ தமிழகத்தில்‌ ஒருசில இடங்களிலும்‌, புதுவை மற்றும்‌ காரைக்கால்‌ பகுதிகளிலும்‌, லேசானது முதல்‌ மிதமான மழை பெய்யக்கூடும்‌. செங்கல்பட்டு, விழுப்புரம்‌, கடலூர்‌, மயிலாடுதுறை, நாகப்பட்டினம்‌, திருவாரூர்‌, தஞ்சாவூர்‌, புதுக்கோட்டை மற்றும்‌ ராமநாதபுரம்‌ மாவட்டங்கள்‌, புதுவை மற்றும்‌ காரைக்கால்‌ பகுதிகளில்‌ ஓரிரு இடங்களில்‌ கனமழையும்‌ பெய்ய வாய்ப்புள்ளது.

சென்னை (Chennai Weather Today) மற்றும்‌ புறநகர் பகுதிகளுக்கான வானிலை முன்னறிவிப்பு:

அடுத்த 24 மணி நேரத்திற்கு (Today Weather in Chennai) வானம்‌ ஓரளவு மேகமூட்டத்துடன்‌ காணப்படும்‌. நகரின்‌ ஒருசில பகுதிகளில்‌ அதிகாலை வேளையில்‌ லேசான பனிமூட்டம்‌ காணப்படும்‌. நகரின்‌ ஒருசில பகுதிகளில்‌ மாலை / இரவு வேளையில்‌ இடி, மின்னலுடன்‌ கூடிய, லேசானது / மிதமான மழை பெய்யக்கூடும்‌. அதிகபட்ச வெப்பநிலை 31 - 32 டிகிரி செல்சியஸை ஒட்டியும், குறைந்தபட்ச வெப்பநிலை 25 டிகிரி செல்‌சியஸை ஒட்டியும்‌ இருக்கக்கூடும்‌.

மீனவர்களுக்கான எச்சரிக்கை:

07-12-2024 அன்று தென்‌ கிழக்கு வங்கக்கடலின்‌ தெற்கு பகுதிகளில்‌ சூறாவளிக்காற்று மணிக்கு 35 முதல்‌ 45 கிலோ மீட்டர்‌ வேகத்‌திலும்‌, இடையிடையே 55 கிலோ மீட்டர்‌ வேகத்திலும்‌ வீசக்கூடும்‌. 08-12-2024 அன்று தென்‌கிழக்கு வங்கக்கடலின்‌ தெற்கு பகுதிகள்‌ மற்றும்‌ அதனை ஒட்டிய தென்மேற்கு வங்கக்கடல்‌ பகுதிகளில்‌ சூறாவளிக்காற்று மணிக்கு 35 முதல்‌ 45 கிலோ மீட்டர்‌ வேகத்திலும்‌ இடையிடையே 55 கிலோ மீட்டர்‌ வேகத்திலும்‌ வீசக்கூடும்‌.

09-12-2024 அன்று தெற்கு வங்கக்கடலின்‌ மத்திய பகுதிகளில்‌ சூறாவளிக்காற்று மணிக்கு 35 முதல்‌ 45 கிலோ மீட்டர்‌ வேகத்‌திலும்‌ இடையிடையே 55 கிலோ மீட்டர்‌ வேகத்திலும்‌ வீசக்கூடும்‌. 10-12-2024 அன்று தென்மேற்கு மற்றும்‌ அதனை ஒட்டிய தென்கிழக்கு வங்கக்கடல்‌ பகுதிகளில்‌ சூறாவளிக்காற்று மணிக்கு 35 முதல்‌ 45 கிலோ மீட்டர்‌ வேகத்திலும்‌ இடையிடையே 55 கிலோ மீட்டர்‌ வேகத்திலும்‌ வீசக்கூடும்‌.

மேற்குறிப்பிட்ட நாட்களில்‌ மீனவர்கள்‌ இப்பகுதிகளுக்கு செல்ல வேண்டாமென்று அறிவுறுத்தப்படுகிறார்கள்‌.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)