Italy Train Crash: பயணிகள் இரயில் நேருக்கு நேர் மோதி பயங்கர விபத்து: 17 பேர் படுகாயம்.. மீட்புப்பணிகள் தீவிரம்.!
கடந்த 2018ம் ஆண்டுக்கு பின்னர் இத்தாலியில் ஏற்படும் இரயில் விபத்துகள் தொடர்ச்சியாக மக்களை சோகத்திற்குள்ளாக்கி வருகிறது.
டிசம்பர் 11, இத்தாலி (World News): இத்தாலி நாட்டில் உள்ள பயென்சா நகரம், போலோக்னா - ரிமினி இரயில் நிலையங்களுக்கு இடையே அதிவிரைவு இரயிலும், உள்ளூர் பயணிகள் இரயிலும் நேருக்கு நேர் மோதிக்கொண்டு விபத்து ஏற்பட்டது.
நேருக்கு நேர் மோதி விபத்து: இந்த விபத்தில் 17 பேர் காயம் அடைந்துள்ளதாக முதற்கட்ட தகவல் வெளியாகியுள்ளது. இரண்டு இரயில்களும் ஒரே தண்டவாளத்தில் வந்ததால் விபத்து ஏற்பட்டது உறுதியாகியுள்ளது. இதனால் விபத்து தொடர்பாக துறை ரீதியான விசாரணை நடத்தப்பட்டு வருகிறது.
அமைச்சர் தகவல்: விபத்து குறித்து கருத்து தெரிவித்த போக்குவரத்து துறை அமைச்சர் மேட்டியோ ஷால்வானி, "அதிவிரைவு மற்றும் உள்ளூர் பயணிகள் இரயில்கள் மெதுவான வேகத்தில் வந்தபோது விபத்தில் சிக்கி இருக்கிறது. விபத்து குறித்து விசாரணை நடைபெற்று வருகிறது. Cannabis Gang Atrocity: "சித்தப்பாவே செத்துட்டாரு, ஓசில சோறு கொடு": கஞ்சா போதையில் பேக்கரி, ஓட்டல், கறிக்கடையில் அடாவடி செய்த கும்பல்..!
பெரும் அசம்பாவிதம் தவிர்ப்பு: காயமடைந்தவர்கள் உடனடியாக மீட்கப்பட்டு மருத்துவமனையில் அனுமதி செய்யப்பட்டுள்ளனர். நல்வாய்ப்பாக இரயில்கள் மிதமான வேகத்தில் சென்றதால், பெரும் உயிரிழப்பு தவிர்க்கப்பட்டது" என கூறினார்.
5 மாதங்களுக்கு முன் நடந்த சோகம்: இத்தாலியில் கடந்த ஐந்து மாதங்களுக்கு முன்னதாக மிலன் - டூரின் ரயில் நிலையங்களுக்கிடையே, ஆகஸ்ட் 31ஆம் தேதி ஐந்து ரயில்வே ஊழியர்கள் ரயில் மோதி உயிரிழந்த சம்பவம் நடந்திருந்தது. அதனைத்தொடர்ந்து, தற்போது மீண்டும் இரண்டு ரயிலில் ஒரே வழித்தடத்தில் பயணித்து நேருக்கு நேர் மோதி விபத்து ஏற்பட்டுள்ளது.
2018 விபத்து: கடந்த 2018ம் ஆண்டு மிலன் பகுதியில் இரயில் தடம்புரண்டு ஏற்பட்ட விபத்தில் 100 பேர் படுகாயம் அடைந்தனர். ஒரு பெண்மணி உயிரிழந்தார் என்பது குறிப்பிடத்தக்கது.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)