Mushroom Masala Recipe: கார சாரமான காளான் மசாலா கிரேவி.. சுலபமாக செய்வது எப்படி?.!

ஏப்ரல் 15, சென்னை (Kitchen Tips): சிக்கன் கிரேவி தோத்துரும்! சைவ பிரியர்களுக்கு பிடித்த உணவான காளான் மசாலா கிரேவி (Mushroom Masala Gravy) செய்வது எப்படி என பார்க்கலாமா?

தேவையான பொருட்கள்:

காளான்கள் - 2 பாக்கெட்டுகள்

வெங்காயம் - 3

தயிர் - 150 கிராம்

இஞ்சி-பூண்டு-பச்சை மிளகாய் விழுது - 1 தேக்கரண்டி

கொத்தமல்லி தூள் - 1 தேக்கரண்டி

மஞ்சள் - 1/4 தேக்கரண்டி

சீரக தூள் - 1/2 தேக்கரண்டி

கரம் மசாலா - 1 தேக்கரண்டி

சிக்கன் மசாலா - 1 தேக்கரண்டி

கொத்தமல்லி இலைகள் - 1 கையளவு (நறுக்கியது)

உப்பு - தேவையான அளவு

சமையல் எண்ணெய் - 2 தேக்கரண்டி

சீரகம் - 1/2 தேக்கரண்டி

அன்னாசி பூ - 1

கிராம்பு - 4

பச்சை ஏலக்காய் - 2

கருப்பு ஏலக்காய் - 1

ஜாதிபாத்ரி மலர் - 1

இலவங்கப்பட்டை - 1

பிரியாணி இலைகள் - 2

செய்முறை: காளானை சுத்தம் செய்து தேவையான அளவிற்கு நறுக்கவும். பின்னர் ஒரு பாத்திரத்தில், வறுத்த வெங்காய விழுது, தயிர், இஞ்சி-பூண்டு-பச்சை மிளகாய் விழுது, கொத்தமல்லி தூள், மஞ்சள் தூள், சீரக தூள், கரம் மசாலா, சிக்கன் மசாலா, நறுக்கிய கொத்தமல்லி இலைகள் மற்றும் உப்பு சேர்த்து காளான்களை சேர்க்கவும். இவற்றை நன்கு கலக்கவும். அப்படியே ஊற வைக்க வேண்டும். Realme P1 Series Launch: ரியல்மி பி1 5ஜி மற்றும் ரியல்மி பி1 ப்ரோ 5ஜி போன் வெளியீடு.. அதன் சிறப்பம்சங்கள் என்ன?.!

ஒரு பாத்திரத்தில் 2 டேபிள்ஸ்பூன் எண்ணெயை ஊற்றி, மிதமான சூட்டில் சூடாக்கவும். அதில் சீரகம், அன்னாசி பூ, கிராம்பு, பச்சை ஏலக்காய், கருப்பு ஏலக்காய், ஜாதிபாத்ரி பூ, இலவங்கப்பட்டை மற்றும் பிரியாணி இலைகளை சேர்க்கவும். சுமார் 1-2 நிமிடங்கள் மசாலாவை நறுமணம் வரும் வரை வதக்கவும்.

முழு மசாலா வாசனை வந்ததும், கடாயில் சிவப்பு மிளகாய் தூள் சேர்த்து நன்கு வதக்கவும். பின்னர் கடாயில் மேரினேட் செய்யப்பட்ட காளான்களை சேர்க்கவும். அனைத்தையும் நன்கு கிளறவும். இந்த காளான்களை அதிக வெப்பத்தில் 3-4 நிமிடங்கள் வறுக்கவும், ஒட்டாமல் இருக்க அவ்வப்போது கிளறி விடவும்.

பின்னர் வெப்பத்தை குறைத்து, கடாயை மூடி வைக்கவும். காளான்கள் 15-20 நிமிடங்களுக்கு வேக விடவும். பின்னர், பாத்திரத்தை திறந்து ஒரு கிளறு கிளறிவிடவும். பின்னர், கொத்தமல்லி தழைகளை பொடியாக நறுக்கி இதன் மீது தூவி அடுப்பில் இருந்து இறக்கிவிட சுவையான காளான் கிரேவி ரெடி. இது இட்லி, தோசை, வெள்ளை சாதம், சப்பாத்தி என அனைத்திற்கு அட்டகாசமாக இருக்கும். இப்போது சுவையான கார சாரமான காளான் மசாலாவை சுவையுங்கள்..!