Train Fire Accident: பயணிகள் இரயிலில் திடீர் தீ விபத்து: 5 பேர் உடல் கருகி பலி., பலர் படுகாயம்.. வங்கதேசத்தில் வன்முறையால் சோகம்?.!

ஜனவரி 06, வங்கதேசம் (World News): வங்காளதேச நாட்டின் தலைநகர் டாக்காவில் இருந்து, மேற்கு பகுதியில் உள்ள ஜெஸ்ஸோர் நகருக்கு பெனாபோல் அதிவிரைவு இரயில் (Benapole Express) பயணம் செய்தது. இந்த இரயில் அங்குள்ள சயதாபாத், கோலபாக் பகுதியில் சென்றபோது, இரயில் திடீரென தீப்பிடித்ததாக தெரியவருகிறது.

சிதறியோடிய பயணிகள்: இதனால் பதறிப்போன பயணிகள் அதிர்ந்துபோன நிலையில், நடுவழியில் இரயில் நிறுத்தப்பட்டது. பலரும் அவசர கதியில் இரயில் இருந்து இறங்கி ஓட்டம் பிடித்தனர். இந்த சம்பவத்தில், 5 பயணிகள் இரயிலுக்குள்ளேயே சிக்கியதாக தெரியவருகிறது. இதனால் அவர்கள் உடல் கருகி பரிதாபமாக உயிரிழந்தனர்.

தீயில் சிக்கி 5 பேர் பலி: ஒரு இளைஞர் மட்டும், விபத்தில் சிக்கியோரை மீட்கும் பணியில் ஈடுபட்டு, தானும் தீயின் பிடியில் சிக்கி பரிதாபமாக உயிரிழந்துள்ளார். இரயிலின் 4 பெட்டிகள் அடுத்தடுத்து தீப்பிடித்ததை தொடர்ந்து, பிற பெட்டிகள் தீப்பிடித்த பெட்டியில் இருந்து பிரிக்கப்பட்டன. இதனால் பெரும் அசம்பாவிதம் தவிர்க்கப்பட்டது. Girl Student Suicide: கல்லூரி வளாகத்தில் மாணவியின் விபரீத முடிவு: 6வது மாடியில் இருந்து குதித்து தற்கொலை.. அதிர்ச்சி வீடியோ உள்ளே.! 

தீ விபத்து குறித்து விசாரணை: உயிரிழந்த 5 பேரின் சடலங்களும் மீட்கப்பட்டு மருத்துவமனைக்கு அனுப்பி வைக்கப்பட்டது. லேசான தீக்காயத்துடன் காயமடைந்தோர், அங்குள்ள மருத்துவமனையில் சிகிச்சைக்காக அனுமதி செய்யப்பட்டனர். இந்த தீ விபத்துக்கான காரணம் குறித்து விசாரணை நடந்து வருகிறது.

தேர்தல் வன்முறை காரணமா?: வங்காளதேசத்தில் ஜனவரி 07ம் தேதி பாராளுமன்றத்திற்கான பொது தேர்தல் நடைபெறுகிறது. இந்த தேர்தலை நடத்த கூடாது என எதிர்க்கட்சியான பங்களாதேஷ் தேசியவாத கட்சி முயற்சித்து வருகிறது. இதற்காக பல இடங்களில் வன்முறை கட்டவிழ்த்துவிடப்பட்டுள்ள நிலையில், தற்போது தேர்தலுக்கு 2 நாட்கள் முன் இரயில் தீப்பிடித்து விபத்து ஏற்பட்டுள்ளது. இந்த தீ விபத்திற்கு வன்முறை சம்பவம் காரணமா? என்ற கோணத்திலும் விசாரணை நடந்து வருகிறது.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)