Murder | Crime File Pic (Photo Credit: Pixabay / Pexels)

ஜூன் 12, சென்னை (Chennai News): சென்னையில் உள்ள கொருக்குப்பேட்டை, கருமாரியம்மன் நகர் பகுதியை சேர்ந்தவர் தர்மா (வயது 24). கூலித் தொழிலாளியாக வேலை பார்த்து வந்துள்ளார். இவர், வேலையை முடித்துவிட்டு நேற்று இரவு தனது வீட்டருகே உள்ள ரயில்வே தண்டவாளம் அருகே நண்பர்களுடன் சேர்ந்து மது அருந்தியுள்ளார். அப்போது, அங்கு வந்த மர்ம நபர்கள் சிலர் தர்மாவிடம், அவரது அண்ணன் சூர்யா எங்கே எனக் கேட்டு மிரட்டியுள்ளனர். Controversial Goal: அம்பயரின் தவறான முடிவால் இந்திய அணி தோல்வி; சர்ச்சைக்குரிய கோல் அடித்து கத்தார் அணி வெற்றி..!

இதற்கு தர்மா பதிலளிக்க மறுத்துள்ளார். இதனால், ஆத்திரமடைந்த அவர்கள், தாங்கள் மறைத்து வைத்திருந்த கத்தி, பாட்டில் போன்ற ஆயுதங்களைக் கொண்டு தர்மாவை பலமாக தாக்கியுள்ளனர். இதனை தடுக்க முயன்ற தர்மாவுடன் இருந்த அவரது நண்பர் கிஷோரையும் அந்த கும்பல் சரமாரியாக வெட்டிவிட்டு (Teenager Murder) அங்கிருந்து தப்பி ஓடியுள்ளனர். இதையடுத்து, தர்மாவை மீட்டு, அவரது நண்பர்கள் சிகிச்சைக்காக ஸ்டான்லி அரசு மருத்துவமனையில் கொண்டு சேர்த்தனர். அங்கு, அவருக்கு தீவிர சிகிச்சை அளிக்கப்பட்டு வந்த நிலையில், நள்ளிரவு சிகிச்சை பலனின்றி பரிதாபமாக உயிரிழந்துவிட்டார்.

இந்த கொலை சம்பவம் தொடர்பாக ஆர்.கே.நகர் காவல்துறையினர் வழக்குப்பதிவு செய்து தீவிர விசாரணை மேற்கொண்டு வந்தனர். இதன் முதற்கட்ட விசாரணையில், உயிரிழந்த தர்மாவின் அண்ணன் சூர்யாவுக்கு கடந்த ஆண்டு அதே பகுதியை சேர்ந்த ஒரு கும்பலுடன் தகராறு ஏற்பட்டுள்ளது. அதற்கு பழிவாங்க இந்த சம்பவம் நடந்திருக்கலாம் என்ற கோணத்தில் விசாரித்து வருகின்றனர். மேலும், அந்த மர்ம கும்பல் 4 பேரை காவல்துறையினர் வலைவீசி தேடி வருகிறார்கள். இச்சம்பவம் அப்பகுதியில் பெரும் சோகத்தை ஏற்படுத்தியுள்ளது.