AUS Vs PAK 3rd T20I: மார்கஸ் ஸ்டோய்னிஸ் அதிரடி.. பாகிஸ்தானை வீழ்த்தி தொடரை கைப்பற்றி ஆஸ்திரேலியா அசத்தல்..!
பாகிஸ்தான் அணிக்கு எதிரான 3வது மற்றும் கடைசி டி20 ஆட்டத்தில் ஆஸ்திரேலியா அணி 7 விக்கெட் வித்தியாசத்தில் வென்று, தொடரை 3-0 என்ற கணக்கில் கைப்பற்றியது.
நவம்பர் 18, ஹோபார்ட் (Sports News): ஆஸ்திரேலியாவில் சுற்றுப்பயணம் மேற்கொண்டுள்ள பாகிஸ்தான் கிரிக்கெட் அணி 3 ஒருநாள், 3 டி20 போட்டிகள் கொண்ட தொடரில் விளையாடி வருகிறது. இதில், ஒருநாள் தொடரை 2-1 என்ற கணக்கில் பாகிஸ்தான் கைப்பற்றியது. இதனையடுத்து, இரு அணிகளுக்கும் இடையேயான டி20 கிரிக்கெட் தொடர் நடைபெற்று வருகிறது. இதில் முதல் 2 போட்டிகளில் ஆஸ்திரேலியா வெற்றி பெற்று தொடரை ஏற்கனவே கைப்பற்றி விட்டது. இந்நிலையில், மூன்றாவது (AUS Vs PAK) மற்றும் கடைசி டி20 போட்டி இன்று (நவம்பர் 18) ஹோபார்ட் (Hobart) நடைபெற்றது. SL Vs NZ 2nd ODI: குஷால் மென்டிஸ் அபாரம்.. நியூசிலாந்துக்கு எதிரான 2வது போட்டியை வென்று தொடரை கைப்பற்றியது இலங்கை அணி..!
இதில் டாஸ் வென்ற பாகிஸ்தான் அணி முதலில் பேட்டிங்கை தேர்வு செய்தது. அதன்படி களமிறங்கிய பாகிஸ்தான் அணி 18.1 ஓவர்களில் 117 ரன்களுக்கு ஆல்-அவுட் ஆனது. அதிகபட்சமாக பாபர் அசாம் (Babar Azam) 41 ரன்கள் அடித்தார். ஆஸ்திரேலியா அணி தரப்பில் ஆரோன் ஹார்டி (Aaron Hardie) 3, ஜம்பா மற்றும் ஜான்சன் தலா 2, சேவியர் பார்ட்லெட் மற்றும் எல்லீஸ் தலா 1 விக்கெட்களை வீழ்த்தினர்.
பின்னர், 118 ரன்கள் எடுத்தால் வெற்றி என்ற எளிய இலக்கை துரத்திய ஆஸ்திரேலியா அணி, அதிரடியாக விளையாடி 11.2 ஓவர்களில் 3 விக்கெட்களை இழந்து 118 ரன்கள் எடுத்து வெற்றி பெற்றது. இதன் மூலம் 7 விக்கெட் வித்தியாசத்தில் அபார வெற்றி பெற்று தொடரை 3-0 என கைப்பற்றியது. ஆஸ்திரேலியா அணி தரப்பில் மார்கஸ் ஸ்டோய்னிஸ் (Marcus Stoinis) 27 பந்துகளில் 61 ரன்கள் எடுத்து கடைசி வரை களத்தில் இருந்தார். ஆட்டநாயகன் விருதையும் பெற்று சென்றார்.
(The above story first appeared on LatestLY on Nov 18, 2024 04:53 PM IST. For more news and updates on politics, world, sports, entertainment and lifestyle, log on to our website latestly.com).
