Baby Girl Sold: ரூ.1 லட்சத்துக்கு பெண் குழந்தை விற்பனை.. தாய் உட்பட 3 பேர் கைது..!
கோயம்புத்தூரில் ரூ.1 லட்சத்துக்கு பெண் குழந்தையை, பெற்ற தாயே விற்கத் துணிந்த சம்பவம் அதிர்ச்சியை ஏற்படுத்தி உள்ளது.
ஆகஸ்ட் 27, கோயம்புத்தூர் (Coimbatore News): கோயம்புத்தூர் மாவட்டம், சாமிசெட்டிபாளையம் அருகே உள்ள சின்னக் கண்ணன் புதூரைச் சேர்ந்த தம்பதி ஆதி கணேஷ்-நந்தினி (வயது 22). இவர்களுக்கு ஒரு ஆண் குழந்தை உள்ளது. இந்நிலையில், மீண்டும் கர்ப்பமான நந்தினிக்கு கடந்த ஆகஸ்ட் 14-ஆம் தேதி மேட்டுப்பாளையத்தில் உள்ள அரசு மருத்துவமனையில் பெண் குழந்தை (Girl Child) பிறந்தது.
இதனையடுத்து, நந்தினி தனக்கு இரண்டாவதாக பிறந்த பெண் குழந்தையை இடைத்தரகர் மூலம், வேறு ஒரு பெண்ணுக்கு ரூ.1 லட்சத்துக்கு விற்பனை செய்ததாக, கோவை மாவட்ட சைல்டு - ஹெல்ப் லைனுக்கு (Child Helpline) கடந்த ஆகஸ்ட் 26-ஆம் தேதி புகார் தெரிவிக்கப்பட்டுள்ளது. தகவலின்பேரில், அதன் ஒருங்கிணைப்பாளர் அஞ்சலா ஜோஸ்பின் தலைமையிலான குழுவினர் மற்றும் காவல்துறையினர் நந்தினியிடம் நேரில் சென்று விசாரணை மேற்கொண்டனர். Blade Cut To Female Police: கோவில் திருவிழாவில் பெண் காவலருக்கு பிளேடால் வெட்டு.. 6 பேர் கைது..!
அதில், நந்தினி தனக்கு பிறந்த 14 நாட்களே ஆன பெண் குழந்தையை, கஸ்தூரி பாளையம் சத்யா நகரைச் சேர்ந்த தேவிகா (வயது 42) என்ற இடைத்தரகர் மூலம் கவுண்டம்பாளையத்தைச் சேர்ந்த தம்பதி மகேஸ்வரன்-அனிதா (வயது 40) என்பவருக்கு ரூ.1 லட்சத்துக்கு விற்பனை செய்தது உறுதி செய்யப்பட்டது. மகேஸ்வரன்-அனிதா தம்பதிக்கு குழந்தை இல்லாததால், அவர்கள் இடைத்தரகர் மூலம் பணம் கொடுத்து, நந்தினியின் குழந்தையை வாங்கியது விசாரணையில் தெரியவந்தது. இதுகுறித்து சைல்டு-ஹெல்ப் லைன் ஒருங்கிணைப்பாளர் அஞ்சலா ஜோஸ்பின், பெரியநாயக்கன்பாளையம் மகளிர் காவல்நிலையத்தில் புகார் அளித்தார். புகாரின்பேரில், காவல்துறையினர் 2 பிரிவுகளின் கீழ் வழக்குப்பதிவு செய்து குழந்தையின் தாய் நந்தினி, தேவிகா, அனிதா ஆகிய மூவரையும் இன்று (ஆகஸ்ட் 27) காலை கைது செய்தனர். இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.
(The above story first appeared on LatestLY on Aug 27, 2024 06:16 PM IST. For more news and updates on politics, world, sports, entertainment and lifestyle, log on to our website latestly.com).
