செப்டம்பர் 20, சென்னை (Technology News): இந்தியாவில் ஹானர் 200 லைட் 5ஜி ஸ்மார்ட்போன் (Honor 200 Lite 5G Smartphone) நேற்று (செப்டம்பர் 19) அறிமுகப்படுத்தப்பட்டது. இந்த புதிய ஸ்மார்ட்போன் இந்தியாவில் கடந்த ஜூலை மாதம் அறிமுகப்படுத்தப்பட்ட ஹானர் 200 (Honor 200 Series) சீரிஸின் விலை குறைந்த மொபைல் ஆகும். இதன் விலை மற்றும் விவரக்குறிப்புகள் பற்றி இந்த பதிவில் தெரிந்து கொள்வோம்.

விலை மற்றும் கிடைக்கும் தன்மை:

  • இந்த ஸ்மார்ட்போன் ஒற்றை 8ஜிபி + 256ஜிபி என்ற வேரியண்டில் வருகிறது. இதன் விலை ரூ.17,999 ஆகும். எஸ்பிஐ (SBI) வங்கி கிரெடிட் மற்றும் டெபிட் கார்டு வைத்திருப்பவர்களுக்கு உடனடி தள்ளுபடியாக ரூ. 2,000 கிடைக்கும்.

  • இதனை வருகின்ற செப்டம்பர் 27-ஆம் தேதி Amazon India மற்றும் ஹானர் இந்தியா (Honor India) இணையதளத்தில் வாங்கலாம். கிரேட் இந்தியன் ஃபெஸ்டிவலின் ஒரு பகுதியாக, அமேசான் பிரைம் உறுப்பினர்களுக்கு செப்டம்பர் 26-ஆம் தேதி முதல் கிடைக்கும்.

  • ஹானர் 200 லைட் 5ஜி ஸ்மார்ட்போன் Cyan Lake, Starry Blue மற்றும் Midnight Black ஆகிய வண்ண விருப்பங்களில் பெறலாம். Demat Account: பங்குச்சந்தையின் டிமேட் கணக்கு என்றால் என்ன? எப்படி ஓபன் செய்வது?!

சிறப்பம்சங்கள்:

  • இதில், 6.7 இன்ச் FHD+ AMOLED டிஸ்ப்ளே, 90Hz புதுப்பிப்பு வீதம், 1,200 nits உயர் பிரைட்னஸ் மோடு மற்றும் 2,000 nits பீக் பிரைட்னஸ் மோடு ஆகிய அம்சங்கள் கொடுக்கப்பட்டுள்ளது.

  • இந்த ஸ்மார்ட்போன், மீடியாடெக் டைமன்சிட்டி 6080 SoC சிப்செட் Mali-G57 MC2 GPU உடன் இயங்குகிறது. இது 8GB LPDDR4X ரேம், 256GB UFS 2.2 சேமிப்பு மற்றும் 8GB விரிவாக்கக்கூடிய ரேம் உடன் வருகின்றது.

  • இதில், 108MP முதன்மை கேமரா, 5MP வைட்-ஆங்கிள் கேமரா மற்றும் 2MP மேக்ரோ லென்ஸ் உள்ளது. செல்பிக்களுக்கு, வைட் ஆங்கிள் 50MP முன்பக்க கேமரா மற்றும் செல்பி லைட் கொடுக்கப்பட்டுள்ளது.

  • புதிய ஹானர் ஸ்மார்ட்போன், ஆண்ட்ராய்டு 14 இன் அடிப்படையில் Magic OS 8.0 இயங்குகிறது. ஹானர் இரண்டு வருட OS அப்டேட்களையும் 3 வருட செக்யூரிட்டி அப்டேட்களையும் உறுதியளிக்கின்றது.

  • மேலும், 35W வயர்டு சார்ஜிங் ஆதரவுடன் 4,500mAh பேட்டரி உள்ளது. இதில், ஒரு பக்க கைரேகை சென்சார், ஒரு USB Type-C போர்ட் மற்றும் நீர் மற்றும் தூசி எதிர்ப்பிற்கான IP52 மதிப்பீட்டுடன் வருகின்றது.

ஹானர் 200 லைட் 5ஜி AI அம்சங்கள்:

  • இந்த புதிய ஹானர் ஸ்மார்ட்போனில், ‘Magic Portal’ போன்ற சில AI அம்சங்கள் உள்ளன. இது உரையை நகலெடுத்து நேரடியாகத் தேடவும் அல்லது பிற பயன்பாடுகளுக்கு அனுப்பவும் அனுமதிக்கிறது. காட்சி அங்கீகாரத்திற்காக, இது ‘மேஜிக் லாக்ஸ்கிரீன்’ மற்றும் ‘AI புகைப்படம் எடுத்தல்’ ஆகியவற்றையும் கொண்டுள்ளது.

  • இதில், ஹானர் 200 சீரிஸ் போன்ற பஞ்ச்-ஹோல் டிஸ்ப்ளே இல்லை. அதற்கு பதிலாக ‘மேஜிக் கேப்சூல்’ உள்ளது. இது முன் கேமரா மற்றும் செல்பி ஒளியைக் கொண்டுள்ளது. இது அழைப்புகள், அலாரங்கள், குரல் பதிவுகள் மற்றும் பலவற்றைக் காட்டுவதால் உள்ளுணர்வுடன் செயல்படும் என தெரிவிக்கப்பட்டுள்ளது.