Summer Weather Report (Photo Credit: Team LatestLY)

பிப்ரவரி 18, நுங்கம்பாக்கம் (Chennai News): வானிலையில் (Weather) கடந்த 24 மணிநேரத்தில் ஏற்பட்ட மாற்றத்தைப் பொறுத்தவரையில் தமிழகம்‌, புதுவை மற்றும்‌ காரைக்கால்‌ பகுதிகளில்‌ வறண்ட வானிலை நிலவியது. கடந்த 24 மணி நேரத்தில்‌ மழை ஏதும் பதிவாகவில்லை. அதிகபட்சமாக ஈரோடு & கரூர்‌ பரமத்தியில் 35.0 டிகிரி செல்சியஸ்‌ வெப்பநிலை பதிவாகியுள்ளது. கடந்த 24 மணி நேரத்தில்‌ தமிழகம்‌, புதுவை மற்றும்‌ காரைக்கால்‌ பகுதிகளில்‌ அதிகபட்ச வெப்பநிலையில்‌ பெரிய மாற்றம்‌ ஏதுமில்லை. ஒருசில பகுதிகளில்‌ 1 - 2 டிகிரி செல்சியஸ்‌ குறைவாக பதிவாகியுள்ளது. அதிகபட்ச வெப்பநிலை தமிழகம்‌, புதுவை மற்றும்‌ காரைக்கால்‌ பகுதிகளில்‌ ஓரிரு இடங்களில்‌ இயல்பிலிருந்து 2 - 3 டிகிரி செல்சியஸ்‌ அதிகமாக பதிவாகியுள்ளது. ஏனைய இடங்களில்‌ பொதுவாக இயல்பை ஓட்டி இருந்தது. தமிழக உள்‌ மாவட்டங்களின்‌ சமவெளி பகுதிகளில்‌ 32- 35 டிகிரி செல்சியஸ்‌ மற்றும்‌ தமிழக கடலோரப்பகுதிகள்‌, புதுவை மற்றும்‌ காரைக்கால்‌ பகுதிகளில்‌ 30 - 34 டிகிரி செல்சியஸ்‌ பதிவாகியுள்ளது. Gold Silver Price: இன்று தங்கம் விலை சவரனுக்கு ரூ.240 உயர்வு.. இன்றைய தங்கம் விலை நிலவரம் இதோ.! 

இன்றைய வானிலை & நாளைய வானிலை (Today Weather & Tomorrow Weather):

அடுத்த ஏழு தினங்களுக்கான வானிலை முன்னறிவிப்பு மற்றும்‌ எச்சரிக்கையில், 18-02-2025 மற்றும்‌ 19-02-2025 வரையில் தமிழகம்‌, புதுவை மற்றும்‌ காரைக்கால்‌ பகுதிகளில்‌ பொதுவாக வறண்ட வானிலை நிலவக்கூடும்‌. ஓரிரு இடங்களில்‌ அதிகபட்ச வெப்பநிலை இயல்பை விட 2 - 3 செல்சியஸ்‌ அதிகமாக இருக்கக்கூடும்‌. காலை வேளையில்‌ பொதுவாக லேசான பனிமூட்டம்‌ காணப்படும்‌. 20-02-2025 முதல்‌ 22-02-2025 வரையில் தமிழகம்‌, புதுவை மற்றும்‌ காரைக்கால்‌ பகுதிகளில்‌ பொதுவாக வறண்ட வானிலை நிலவக்கூடும்‌. ஒருசில இடங்களில்‌ அதிகபட்ச வெப்பநிலை இயல்பை விட 2-3 டிகிரி செல்சியஸ்‌ அதிகமாக இருக்கக்கூடும்‌. 23-02-2025 மற்றும்‌ 24-02-2025 வரையில் தமிழகம்‌, புதுவை மற்றும்‌ காரைக்கால்‌ பகுதிகளில்‌ பொதுவாக வறண்ட வானிலை நிலவக்கூடும்‌.

சென்னை வானிலை நிலவரம் (Chennai Weather Update):

இன்று (18-02-2025) வானம்‌ ஓரளவு மேகமூட்டத்துடன்‌ காணப்படும்‌. காலை வேளையில்‌ பொதுவாக லேசான பனிமூட்டம்‌ காணப்படும்‌. அதிகபட்ச வெப்பநிலை 32-33 செல்சியஸை ஒட்டியும்‌, குறைந்தபட்ச வெப்பநிலை 23-24* செல்சியஸை ஒட்டியும்‌ இருக்கக்கூடும்‌. நாளை (19-02-2025) வானம்‌ ஓரளவு மேகமூட்டத்துடன்‌ காணப்படும்‌. காலை வேளையில்‌ பொதுவாக லேசான பனிமூட்டம்‌ காணப்படும்‌. அதிகபட்ச வெப்பநிலை 32-33 செல்சியஸை ஒட்டியும்‌, குறைந்தபட்ச வெப்பநிலை 23-24 டிகிரி செல்சியஸை ஓட்டியும்‌ இருக்கக்கூடும்‌.