Supreme Court of India | LGBTQ Flag (Photo Credit: @ANI Twitter Wikipedia)

அக்டோபர் 17, டெல்லி (New Delhi): சர்வதேச அளவில் LGBTQIA சமூகத்தினர் மீது நாடுகள் வாரியாக அங்கீகாரம் வழங்கப்பட்டு, அவர்களின் உணர்வுகளுக்கும் மதிப்பளிக்கப்பட்டு இருக்கிறது. சில நாடுகளில் LGBTQ தடை செய்யப்பட்டும் இருக்கின்றன. இந்தியாவை பொறுத்தமட்டில் கடந்த சில ஆண்டுகளாகவே தன்பாலின ஈர்ப்பு திருமண விவகாரம் தொடர்பாக முக்கிய முடிவெடுக்கவேண்டிய கட்டாயத்தில் நீதிமன்றம் இருந்தது.

அங்கு பல ஓரினசேர்க்கை திருமணங்கள் குறித்த உரிமை கோரல் மனுக்கள் குவிந்து வந்தன.  LGBTQ என்பதன் பொருள் Lesbian Gay Bisexual Transgender ஆகும். தன்பாலின ஈர்ப்பு கொண்ட பெண், தன்பாலின ஈர்ப்பு கொண்ட ஆண், திருநங்கை, திருநம்பி ஆகிய பாலின விருப்பம் கொண்டவர்கள் ஆவார்கள்.

இந்நிலையில், இந்தியாவில் அமல்படுத்தப்பட்டுள்ள சிறப்பு திருமணச்சட்டம் 1954 ன் கீழ், LGBTQIA சமூகத்தை சேர்ந்தவர்களின் திருமணம் உரிமை கோரும் மனு தொடர்பான இறுதி தீர்ப்பு, இன்று உச்சநீதிமன்ற தலைமை நீதிபதி தலைமையிலான அமர்வு முன்னிலையில் வாசிக்கப்பட்டது.

Supreme Court of India | 5 Judge on LGBTQ Judgement (Photo Credit: Wikipedia / @ANI Twitter)

இந்திய தலைமை நீதிபதி டி.ஒய்.சந்திரசூட் மற்றும் நீதிபதிகள் சஞ்சய் கிஷன் கவுல், எஸ்.ரவீந்திர பட், ஹிமா கோஹ்லி மற்றும் பி.எஸ்.நரசிம்மா ஆகியோர் அடங்கிய LGBTQIA திருமணம் தொடர்பான சட்ட உரிமை கோரல்களுக்கு தீர்ப்பு வழங்கி அனைத்து பிரச்சனைகளுக்கும் முற்றுப்புள்ளி வைத்துள்ளது. US President Visit Israel: போர் பதற்றத்திற்கு மத்தியில் நாளை இஸ்ரேல் செல்கிறார் அமெரிக்க அதிபர்; அதிகாரப்பூர்வ அறிவிப்பு.! 

அந்த தீர்ப்பில், தலைமை நீதிபதி டிஒய் சந்திரசூட் தெரிவிக்கையில், "4 விதமான தீர்ப்புகள் வழங்கப்பட்டுள்ளன. 200 ஆண்டுகளுக்கு முன்னதாக முன்னோர்களால் ஏற்றுக்கொள்ளப்படாத விஷயங்கள் தற்போது ஏற்றுக்கொள்ளப்பட்டு வருகின்றன. நீதிமன்றத்தால் சட்டத்தை உருவாக்க முடியாது எனினும், சரத்துகளை கையாளலாம்.

தன்பாலின திருமணம் என்பது முன்னேறிய வகுப்பு மக்களிடையே மட்டும் காணப்படவில்லை. திருமணமும் நிலையான ஒன்றல்ல. அதே நிலையில் மாற்ற முடியாததும் இல்லை. தன்பாலின ஈர்ப்பு திருமண அங்கீகாரத்திற்கு நாடாளுமன்றம் மட்டுமே சட்டத்தை இயற்ற இயலும். யாரையும் கட்டாயப்படுத்தி சட்டத்தை இயற்ற வலியுறுத்த முடியாது.

சிறப்பு திருமண சட்ட மாற்றம் தொடர்பாக நாடாளுமன்றம் முடிவு எடுக்கும். நீதிமன்றங்கள் குடிமக்களின் அடிப்படை உரிமைகளை பாதுகாக்க வேண்டும் என அரசியலமைப்பு சொல்கிறது. நீதிமன்றம் அடிப்படை உரிமையை பாதுகாக்க வழிகாட்டுதலை வழங்கும். ஆனால், அதிகாரப்படுத்தி செய்ய முடியாது.

சிறப்பு திருமணச் சட்டம் ரத்து செய்யப்பட்டால், அது நாட்டை சுதந்திரத்திற்கு முந்தைய காலகட்டத்திற்கு கொண்டு செல்லும். சிறப்பு திருமணச் சட்டத்தில் மாற்றம் தேவையா? வேண்டாமா? என்பதை நாடாளுமன்றம் முடிவு செய்யும். பாலியல் பார்வை விஷயங்களில் பாகுபாடு என்பது காட்டக்கூடாது என சமத்துவம் கூறுகிறது.

ஒரு நபரின் பாலினம் அவர்களின் பாலினத்திற்கு சமமானதல்ல. நீதிமன்றம் LGBTQ நபர்களுக்கு எதிராக பாகுபாடு காட்டப்படுவதில்லை மற்றும் பாலியல் நோக்குநிலையின் அடிப்படையில் அவர்களின் தொழிற்சங்கத்தை பாகுபாடு காட்ட முடியாது என்பதை அங்கீகரித்துள்ளது.

Transgender | Lesbian | Gay (Photo Credit: Pixabay)

திருமணமான ஓரினச்சேர்க்கை தம்பதிகள் மட்டுமே ஒரு குழந்தைக்கு உறுதித்தன்மை வழங்க முடியும் என்பதை நிரூபிக்கும் பொருள் எதுவும் இல்லை. தன்பாலினத் தம்பதிகளுக்கு வழங்கப்படும் நன்மைகள்/ சேவைகள் & உரிமைகள் மறுக்கப்படுவது அவர்களின் அடிப்படை உரிமைகளை மீறுவதாகும். OLA Taxi Drivers Strike: இரண்டாவது நாளாக தொடரும் கால் டாக்சி ஓட்டுநர்கள் போராட்டம்; அவதிப்படும் மக்கள்.! 

தன்பாலின ஈர்ப்பாளர்கள் குழந்தைகளை சரியாக கவனிக்க முடியாது என்பதற்கான ஆதாரம் இல்லை. குழந்தை தத்தெடுப்பு விஷயத்தில் மத்திய அரசின் அறிக்கையில் தன்பாலினத்தவர் இல்லாதது அல்லது அவர்களை குறிப்பிடாதது அரசியலமைப்பு சட்டத்திற்கு எதிரானது ஆகும்.

LGBTQ மக்கள் அவர்களின் பாலியல் நிலையின் அடிப்படையில் பாகுபாடு காட்டப்படாமல் இருப்பதை உறுதி செய்ய மத்திய அரசு மற்றும் மாநில அரசுகளுக்கு அறிவுறுத்தப்படுகிறது. தன்பாலின ஈர்ப்பாளர்களின் உரிமைகள் குறித்து பொதுமக்களுக்கு விழிப்புணர்வை ஏற்படுத்த, அவர்கள் அரசின் சேவைகளை அணுக எவ்வித பாகுபாடும் இல்லை என்பதை உறுதிப்படுத்த மத்திய மற்றும் மாநில அரசுகளுக்கு அறிவுறுத்தப்படுகிறது.

தன்பாலின சமூகத்திற்காக ஹாட்லைனை உருவாக்கவும், வன்முறையை எதிர்கொள்ளும் தம்பதிகளுக்கு 'கரிமா க்ரிஹ்' (Garima Grih) என்ற பாதுகாப்பான வீடுகளை உருவாக்கவும், பாலின உறவுக்கு இடையேயான குழந்தைகள் அறுவை சிகிச்சை செய்ய வேண்டிய கட்டாயம் இல்லை என்பதை உறுதிப்படுத்தவும் அரசுகளுக்கு அறிவுறுத்தப்பட்டுள்ளது.

தன்பாலின ஈர்ப்பு கொண்ட தம்பதிகளின் திருமணம் மற்றும் காதல் தொடர்பாக காவல் துறையினர் புகார் வழக்குப்பதிவு செய்யும் முன், உரிய விசாரணை நடத்தி மேற்படி நடவடிக்கை எடுக்க வேண்டும். மத்திய அரசின் உரிமைகளில் நுழைவதற்கான உரிமையை பாலியல் நோக்குநிலையின் அடிப்படையில் கட்டுப்படுத்த முடியாது.

Love | Girl File Pic (Photo Credit: Pixabay)

தன்பாலின பாலின உறவுகளில் உள்ள நபர்களுக்கு தனிப்பட்ட சட்டங்கள் உட்பட தற்போதுள்ள சட்டங்களின் கீழ் திருமணம் செய்ய உரிமை உண்டு. திருமணமாகாத தம்பதிகள், ஓரினசேர்க்கை தம்பதிகள் உட்பட ஜோடிகள், ஒரு குழந்தையை தத்தெடுக்கலாம். LGBTQ நபர்களின் உரிமைகள் மற்றும் உரிமை குரல்கள் தொடர்பாக முடிவெடுக்க மத்திய அரசு ஒரு குழுவை அமைக்கும். Ganpati Bappa Morya By Australian Fan: ஆஸி., அணியின் வெற்றியை கணபதி பாப்பா மோரியா சொல்லி கொண்டாடிய ஆஸ்திரேலிய அணியின் ரசிகர்.! 

இக் குழு, ரேஷன் கார்டுகளில் தன்பாலின தம்பதிகளை 'குடும்பமாக' சேர்ப்பது, தம்பதிகள் வங்கிக் கணக்கு, ஓய்வூதியம், பணிக்கொடை போன்றவற்றில் இருந்து வரும் உரிமைகள் போன்றவற்றுக்கு பரிந்துரைக்கலாம். மத்திய & மாநில அரசு மற்றும் யூனியன் பிரதேசங்கள் LGBTQ சமூகத்தினர் உரிமைக்கு எதிராக பாகுபாடு காட்டக்கூடாது" என தெரிவிக்கப்பட்டுள்ளது.

நீதிபதி சஞ்சய் கிஷன் கவுல் தீர்ப்பு வாசிக்கையில், "இயல்பு பாலினச் சேர்க்கை அல்லாத அமைப்புகள் (LGBTQ ஆதரவாளர்களின் அமைப்புகள்) அரசியலமைப்பின் கீழ் பாதுகாப்பிற்கு உரிமை பெற்றுள்ளன. ஒரே பாலின அமைப்புகளுக்கு சட்டப்பூர்வ அங்கீகாரம் என்பது திருமண சமத்துவத்தை நோக்கிய ஒரு படியாகும். இருப்பினும், திருமணம் மட்டும் முடிவல்ல. மற்றவர்களின் உரிமைகளை பாதிக்காத வகையில் சுயாட்சியை நாம் பாதுகாப்போம்" என கூறினார்.